സംഗമത്തില്‍ രൂപതയുടെ എല്ലാ ഇടവകകളില്‍ നിന്നുമുള്ള ആയിരക്കണക്കിനു യുവജനങ്ങള്‍ പങ്കെടുക്കും
കോഴിക്കോട്: കോഴിക്കോട് രൂപതയുടെ ശതാബ്ദി ആഘോഷങ്ങളുടെ ഭാഗമായി യുവജനങ്ങളുടെ മഹാസംഗമം “ചിറക് ‘ 13, 14 തീയതികളില്‍ കോഴിക്കോട്ട് നടക്കും. സെന്‍റ് ജോസ്ഫ്‌സ് ആംഗ്‌ളോ ഇന്ത്യന്‍ ഗേള്‍സ് സ്‌കൂളില്‍ നടക്കുന്ന സംഗമത്തില്‍ രൂപതയുടെ എല്ലാ ഇടവകകളില്‍ നിന്നുമുള്ള ആയിരക്കണക്കിനു യുവജനങ്ങള്‍ പങ്കെടുക്കും.
13ന് രാവിലെ 10.30ന് കോഴിക്കോട് ബിഷപ്പ് ഡോ. വര്‍ഗീസ് ചക്കാലക്കല്‍ ഉദ്ഘാടനം ചെയ്യും. സംഗീത സംവിധായകനും പിന്നണി ഗായകനുമായ അല്‍ഫോണ്‍സ് ജോസഫ് മുഖ്യപ്രഭാഷണം നടത്തും. യുവജനങ്ങള്‍ക്ക് അദ്ദേഹവുമായി സംവദിക്കുന്നതിനുള്ള അവസരവുമുണ്ടാകും.
തുടര്‍ന്നു നടക്കുന്ന വിശുദ്ധ കുര്‍ബാനയ്ക്ക് മോണ്‍. ജെന്‍സണ്‍ പുത്തന്‍വീട്ടില്‍ നേതൃത്വം നല്‍കും. 14ന് രാവിലെ 8.30ന് ബിഷപ്പ് ഡോ.വര്‍ഗീസ് ചക്കാലക്കല്‍ യുവജനങ്ങളുമായി കൂടിക്കാഴ്ച നടത്തുകയും സംവദിക്കുകയും ചെയ്യും. യുവജനങ്ങള്‍ക്ക് സ്വന്തം കഴിവുകള്‍ പ്രകടിപ്പിക്കുന്നതിനുള്ള അവസരവും സംഗമത്തില്‍ ഉണ്ടാവും.
ചിറക് പരിപാടിയുടെ ലോഗോ ബിഷപ്പ് ഡോ. വര്‍ഗീസ് ചക്കാലക്കല്‍ ഫൊറോന വികാരി ഫാ. ജെറോം ചിങ്ങന്‍തറയ്ക്ക് നല്‍കി പ്രകാശനം ചെയ്തു.
